موت أحمد تهامي

موت أحمد تهامي رحمه الله وجعله من أهل الجنة.

اى انسان منا ممكن يموت فى اى لحظة ....... كل يوم بنسمع خبر وفاة حد نعرفه والله الموت قريب جدا مننا ومحدش عارف الدور اللي جاي على مين ايه اللي يمنع ان النعي اللي جاي يكون أنا او إنت الموت حق والله وممكن يكون اي حد فينا في أي لحظة اللهم أحسن خاتمتنا يارب...

اللي بينه وبين ربنا حاجة غلط يصلحها فوراً دلوقتي ... لو الدور اللي جاي عليك هتقابله بأي وجه هتقوله إيه هتعتذر له بإيه ؟! .. وقتها المصير حتمي ومنتهي وأبدي ومفيش راجعة أو دور تاني وياجنة يا نار..

اللي مبيصليش يقوم يتوضى ويصلي دلوقتي اللي بايت مبكي أمه ومزعل أبوه يقوم يبوس رجليهم ويراضيهم ......اللي واكل مال حرام يقوم يرجعه لأصحابه وان مالحقش دلوقتي يقوم يكتب المستحقات في ورقة

والله ما حد عارف ولا انا عارف ان كنت هكمل الكلمتين اللي انا بكتبهم دول ولا عمري هينقضي قبلهم

ياجماعة اللي بيعمل أي معصية .. اللي بيغتاب ..اللي بيوقع بين الناس.. اللي بيأذي الناس بكلام أو فعل.. اللي بيكذب... اللي بيشرب سجاير...اللي بيشوف لقطات مغضبة لله ...اللي بيطلق بصره للحرام ويتعدى على حرمات الله أرجوكوا نتوب الآن ...  ونقول دلوقتي "أستغفر الله" بصدق وبعهد بينك وبين الله انك مش هترجع للذنب تاني وهتبدأ حياه جديدة مع ربنا.

ربنا يتوب علينا جميعا ويرحمنا ويغفر لنا ولجميع موتانا يارب وانا لله وانا اليه راجعون.

استغفِروا لأخيكُم وسَلوا لَهُ التَّثبيتَ فإنَّهُ الآنَ يُسأَلُ

اللَّهُمَّ، اغْفِرْ له وَارْحَمْهُ، وَاعْفُ عنْه وَعَافِهِ، وَأَكْرِمْ نُزُلَهُ، وَوَسِّعْ مُدْخَلَهُ، وَاغْسِلْهُ بمَاءٍ وَثَلْجٍ وَبَرَدٍ، وَنَقِّهِ مِنَ الخَطَايَا كما يُنَقَّى الثَّوْبُ الأبْيَضُ مِنَ الدَّنَسِ، وَأَبْدِلْهُ دَارًا خَيْرًا مِن دَارِهِ، وَأَهْلًا خَيْرًا مِن أَهْلِهِ، وَزَوْجًا خَيْرًا مِن زَوْجِهِ، وَقِهِ فِتْنَةَ القَبْرِ وَعَذَابَ النَّارِ